മലയാളികൾക്ക് ഓണാശംസകൾ നേർന്ന് പ്രധാനമന്ത്രി നരേന്ദ്ര മോദിയും രാഷ്ട്രപതി ദ്രൗപതി മുർമുവും. സന്തോഷത്തിനും ഒത്തൊരുമയ്ക്കും കൂടുതൽ കരുത്തുപകരട്ടെ ഈ ഓണമെന്ന് പ്രധാനമന്ത്രി ആശംസിച്ചു.
പ്രകൃതിയോടുള്ള നന്ദി പ്രകടിപ്പിക്കുന്ന ഉത്സവമാണ് ഓണം എന്ന് രാഷ്ട്രപതി ദ്രൗപതി മുർമു ആശംസാസന്ദേശത്തിൽ പറഞ്ഞു. കേരളത്തിന്റെ സമ്പന്നമായ സംസ്കാരവും പാരമ്പര്യവും പ്രതിഫലിപ്പിക്കുന്ന ഓണം രാജ്യത്തിന്റെ വൈവിധ്യത്തിലെ ഐക്യത്തിന്റെ മനോഹരമായ പ്രതീകമാണെന്നും രാഷ്ട്രപതി വ്യക്തമാക്കി.
സ്നേഹവും സമാധാനവും സാഹോദര്യവും പങ്കുവെക്കുന്ന ആഘോഷമായി ഓണം മാറട്ടെയെന്നും എല്ലാ മലയാളികൾക്കും സന്തോഷവും സമൃദ്ധിയും നിറഞ്ഞ ഓണക്കാലം ആശംസിക്കുന്നതായും രാഷ്ട്രപതി അറിയിച്ചു.
സന്തോഷവും ഐക്യവും കൂടുതൽ ശക്തിപ്പെടുത്തുന്ന ഓണമാകട്ടെയെന്ന ആശംസയാണ് പ്രധാനമന്ത്രിയും രാഷ്ട്രപതിയും മലയാളികൾക്ക് നേർന്നത്.
